പഞ്ചായത്തിലെ മാതൃകാ പദ്ധതികള്
കൃഷി ഓഫീസ് പ്രവര്ത്തനങ്ങള്
സൗരോർജം ഉപയോഗിച്ച് പ്രവർത്തിക്കുന്ന വൈദ്യുത വേലി സംവിധാനമാണ് സോളാർ
ഫെൻസിംഗ്. കൃഷിയിടങ്ങൾ, തോട്ടങ്ങൾ, വനാതിർത്തി പ്രദേശങ്ങൾ എന്നിവിടങ്ങളിൽ
കാട്ടാന, കാട്ടുപന്നി, തുടങ്ങിയ വന്യമൃഗങ്ങളുടെ കടന്നുകയറ്റം തടയുന്നതിനായി ഇത്
ഉപകരിക്കുന്നു
ലൈഫ് മിഷൻ ഭവന പദ്ധതികൾ:
എല്ലാവർക്കും അടച്ചുറപ്പുള്ളതും സുരക്ഷിതവുമായ വീട് എന്ന ലക്ഷ്യത്തോടെ ഭവനരഹിതർക്കായി പഞ്ചായത്തുകൾ നടപ്പിലാക്കുന്ന പദ്ധതി. ഭൂമിയുള്ളവർക്ക് വീട് നിർമ്മിക്കാനും ഭൂമിയില്ലാത്തവർക്ക് ഫ്ലാറ്റുകൾ നിർമ്മിച്ചു നൽകാനും പഞ്ചായത്തുകൾ മുൻകൈ എടുക്കുന്നു.
കുടുംബശ്രീ മിഷൻ പദ്ധതികൾ:
വനിതാ സ്വയംസഹായ സംഘങ്ങൾ: സ്ത്രീകളെ സാമ്പത്തികമായി ശാക്തീകരിക്കാൻ സഹായിക്കുന്ന സൂക്ഷ്മ സംരംഭങ്ങൾ, വായ്പകൾ, ഉൽപ്പാദന യൂണിറ്റുകൾ എന്നിവ.
ജനകീയ ഹോട്ടലുകൾ: കുറഞ്ഞ നിരക്കിൽ ഭക്ഷണം ലഭ്യമാക്കി വിശപ്പ് രഹിത കേരളം എന്ന ലക്ഷ്യത്തിന് പിന്തുണ നൽകുന്നത്.
കാർഷിക ഗ്രൂപ്പുകൾ: കുടുംബശ്രീ വഴി രൂപീകരിച്ച കാർഷിക കൂട്ടായ്മകൾ പ്രാദേശികമായി കൃഷി പ്രോത്സാഹിപ്പിക്കുന്നു.
തൊഴിലുറപ്പ് പദ്ധതി (MGNREGA) ഫലപ്രദമായി നടപ്പിലാക്കുന്നത്:
ഗ്രാമീണ മേഖലയിലെ അവിദഗ്ദ്ധ തൊഴിലാളികൾക്ക് 100 ദിവസത്തെ തൊഴിൽ ഉറപ്പാക്കുക. കുളങ്ങൾ നിർമ്മിക്കൽ, തോടുകൾ വൃത്തിയാക്കൽ, കോണ്ക്രീറ്റ് - ടൈല് റോഡുകൾ നിർമ്മിക്കൽ, കാർഷിക പ്രവർത്തനങ്ങൾ , ,വര്ക്ക് ഷെഡ് നിര്മ്മാണം തുടങ്ങിയവയിലൂടെ ഗ്രാമീണ വികസനത്തിന് ഇത് വലിയ സംഭാവന നൽകുന്നു.
ആരോഗ്യ മേഖലയിലെ മാതൃകാപരമായ ഇടപെടലുകൾ:
ആർദ്രം മിഷൻ പ്രവർത്തനങ്ങൾ: പ്രാഥമികാരോഗ്യ കേന്ദ്രങ്ങളെ കുടുംബാരോഗ്യ കേന്ദ്രങ്ങളാക്കി മാറ്റി മികച്ച ചികിത്സയും പ്രതിരോധ ആരോഗ്യ സേവനങ്ങളും ലഭ്യമാക്കുന്നത്.
പകർച്ചവ്യാധി നിയന്ത്രണം: കൊതുകു നശീകരണം, ശുചീകരണ പ്രവർത്തനങ്ങൾ എന്നിവയിലൂടെ രോഗങ്ങൾ തടയുന്നത്.